Gussaly güýz
Gussaly güýz
Şatlyk-şagalaň içinde,
Göwnüň açylýar.
Gaýgy-gussa arzyly däl,
Ondan gaçylýar.
Sen gussaň nyşany welin,
Şonda-da eziz!
Ynsan barçanyň syrdaşy-
Eý, jadyly güýz!
Aslynda gussaň bir-geňsi,
Doly mähirden.
Ezizow deý şahyrlara
Ylham getirden.
Meger, gam-gussaň ýugrulan,
Çuň paýhasyňa?!
Sada göwnüňden durmuşa,
Çyn yhlasyňa?!
…Güýz, derdiňi egisere,
Goýnuňa dolsam!
Gözýaş bilen ýeňledeli,
Gaýgy kän, ýogsam.
Geldimyrat SEÝIDOW.
2020 ý. Goşgular
