Gözleg
Gözleg
Nirede sen,
Haýsy jelegaýda sen,
Nirelerden çykardy gyz täleýiň!?
Gije düýşüm,
gündiz durmuşymdyň sen,
Men durmuşdan jyda düşdüm, nädeýin!
Seniň dakynjak ýüzügiň,
Ýatyr deňziň düýbünde.
Senden alynjak posa
Galdy meniň düýşümde.
Söýgimiz soldy gitdi—
Seniň düýnüňde,
Meniň düýnümde!
Nirede sen,
seslen!
Bar bolsaň eger,
Galan ömrüm ýollara bagş ederin:
Ýa seni taparyn ýeriň ýüzünden,
Ýa-da seni gözläp ýiter giderin…
Nobatguly REJEPOW. Goşgular
