Goñşokara
Goñşokara
▶ GOÑŞOKARA
Git, okaram, aşly git,
Gel, okaram, aşly gel.
Ýere oklanan tohum ~
Garyş-garyş başly gel.
Owuzly git, okaram,
Yzyña owuzly gel.
Çäjiñize bereket ~
Ömürli-mañyzly gel.
Çelpek gatnap arada ~
Arada pişme gezsin!
Türkmen türkmene dogan,
Ýamanlar daşda gezsin!
Nan ýapylyp tamdyra
Ýodalaryñ ~
ýol bolsun!
Ýagşy goñşy döwletdir
Goñşy goñşa il bolsun!
Ata-baba ýoluñdan
Sowulma, sen, sowulma!
Git, okaram, gaýdyp gel ~
Orta ýolda döwülme!.. Goşgular
Больше на Kitapcy.su
Subscribe to get the latest posts sent to your email.