Gelin gelýär

Gelin gelýär GELIN GELÝÄR

Ýere garap, assa ýöräp,
Görüň täze gelin gelýär,
Aýagynda gülli jorap,
Görüň täze gelin gelýär.

Kürteden sallanan seçek,
Aý ýüzi örten araçäk,
Taýly gelýär ogul-gerçek,
Görüň täze gelin gelýär.

Kamaty jennetiň hüýri,
Gursakda söýginiň töri,
Heý, gözellik bormy gaýry,
Görüň täze gelin gelýär.

Guwanjy enäň-atanyň,
Maksat-myrada ýeteniň,
Içinde gyzyl keteniň,
Görüň täze gelin gelýär. Goşgular