Gaýdyp geldiñ
Gaýdyp geldiñ
Ýene-de dolandyñ meniñ kalbyma,
Gaýdyp geldiñ arzuwlara-hyýala.
Getiren şatlygyñ uly bagtyñdan,
Yşkyñdan püre-pür doly pyýala.
Göwün çarbagymda eken bägüliñ,
Söýgimizden güller açdy bireýýäm.
Sen maña şeýlebir eziz, mähriban,
Diýmesem-de saña: «Men seni söýýän!»
Gaýdyp geldiñ ýene-de meñ dünýäme,
Senli wagtym bagtly men şu pursat.
Garaşanma degýär getiren bagtyñ,
Señ mähir-yşkyñdan ýylap dur gursak.
Leýla ÇARYÝEWA. Goşgular
