Garagol siňek
Garagol siňek
Galamam, depderem taŷyn öňümde.
Ähli pikirlemi dagatdy bir ýan,
Bir garagol siñek gonup elimde.
Kowýan ellerimi galgadyp her ýan,
Ol bolsa uçýada öňümde gonýa.
Indi bir arkaýyn ýazaýyn diýsem,
Ol ýene gelýäde elimde gonýa.
Bir öýüñ içinde bir siñek bir men,
Düşünşüp bilmedik ikiçäk galyp.
Ony öldürmäge elim baranok,
A gaharym barýa beýnimi ýaryp.
Ol bolsa ganatyn galgadyp çala,
Ýüzüni sypaýa ýüzüme garap.
Men oña hiç zadam edemok welin,
Ol maña uzak gün geçdi yrsarap.
Kä depämde gonup käte ýüzümde,
Ýüregme düşäýdi diýmäýin diýsem.
Hool gyra geçirip süýjüjik goýdum,
Oña-da gonanok güýmäýin diýsem.
Indem gözlerini mölerdip maña,
Dilinem çykarýa görsene muny.
Üstümden gülüp dur kiçijek jandar,
Häzir onuñ hökmi meñkiden uly.
Garaz görüp hakda goşgy ýazdyrman,
Ol özi hakynda ýazdyrdy eser.
Ýa görüp diýýänim şul siñekmikän?
Ýada ol tersin. Goşgular
