Ene näleti
Ene näleti
Ene,
Ogluñ saña dönüklik etse,
Näletle —
Garagy gapylar ýaly,
Nälet et: iýeni inine siñmän
Öz-özünden bela tapynar ýaly.
Sesiñ eşitmekden galsyn gulagy —
Sen şeýleräk nälet oka, gargyş et.
Ölende-de gömmesinler ýanyñda,
Şuny yzda galýanlardan haýyş et.
Watan!
Bardy-geldi seniñ bir ogluñ
Dönük bolup,
etse saña hyýanat,
Sendäki bar eneleriñ näleti
Goý, gopdursyn oñ başynda kyýamat!
Arhip ÇIBOTARU,
(Moldawiýa).
Terjime eden: Berdinazar HUDAÝNAZAROW. Goşgular
