Ejesi öweý oglanjygyñ oýlary
Ejesi öweý oglanjygyñ oýlary
«Täze ejem» öýden
Haçan giderkä?!
«Köne ejem» öýe
Haçan gelerkä?!
Kakamyñ ýok wagty
«Ýetimçe» diýýär.
Muny «täze ejem»,
Nämüçin diýýär?!
Muny «köne ejem»
Gelen mahaly,
Aýtsam, «täze ejeme»
Geler gahary.
«Köne ejem» gelenok,
Eýýäm ýaz düşdi.
«Köne ejem» gelenok,
Bugdaýlar bişdi.
«Köne ejem» gelenok,
Döwek döwülýä…
…Ýa öýmüzden
Ýagşymyka öwlüýä?!
Gurbanýaz DAŞGYNOW. Goşgular
