Dymma filosofa

Dymma filosofa DYMMA FILOSOFA

Olar ýene üç bolup,
Düýnem geldiler.
Ataňy öldürdiler,
Uýaňy horladylar,
Neçün dymýarsyň?

Olar bu gün üç bolup,
Ýene geldiler.
Senem basgyladylar,
Ogluň elin bagladylar,
Neçün dymýarsyň?

Olar üç bolup ýene,
Ertir gelerler.
Hem üstüňden gülerler,
Ýürek-bagryň dilerler.
Neçün dymýarsyň?
Aýtsana,
Neçün dymýarsyň?!.

Salem JEBRAN,
Palestina.

Terjime eden Allaýar ÇÜRIÝEW. Goşgular