Döwrebap goşgy

Döwrebap goşgy DÖWREBAP GOŞGY

Öýe gaýtman, ýatyp-turýar işinde,
Başçy sen, az-kem giç gaýdaý, -diýlipdi.
Indi ýaşullaň-da öňünden ýörýär,
Gaty yza galma, haýdaý, — diýlipdi.

Taldyr, söwütleri gyrdy gutardy,
Çybygyn çyrp, ýoly ýapsa — diýlipdi.
Ýakyn-ýatdan Taňry salamy kesdi,
Ýaňrap durma, habar gatsa, — diýlipdi.

Goýun janawerleň hamyn sypyrdy,
Ýüňlerin gyrk, ýetse eger, — diýlipdi.
Wah, gözüni çykaraýdy o bendäň,
Çytylan gaşyny bejer, — diýlipdi.

2024 ý. Goşgular