Dost
Dost
Eşidemde eýerýänim –
Sözüm bar bolsa – seniñki.
Aglan çagym elenýänim –
Gözüm bar bolsa – seniñki.
Sem etjek agy sesini
Şatlygym bolsa – seniñki.
Bir telefon belgisini
Ýatlaýan bolsam – seniñki.
Bogan gülüni biriniñ
Saklaýan bolsam – seniñki.
Doglan gününi biriniñ
Unutmaýan bolsam – seniñki.
Çagyrtmazdan, islän çagym
Barýan bir öýüm – seniñki.
Şatlyk-gussam, gyşym-ýazym,
Ýasym hem toýum – seniñki.
Açyk göwnüm, ak ýüregim,
Ter-tämiz törüm – seniñki.
Çyn dost meniñ bar geregim,
Bak, herne barym – seniñki.
Kadyr MIRZALYÝEW,
gazak şahyry
Terjime eden: Tirkeş SADYKOW. Goşgular
