DIDÄMDÄKI DÖRT DAMJA
DIDÄMDÄKI DÖRT DAMJA
Men bir zada jogap tapyp bilemok,
Gözlerimе iýnýän gözýaş sen näme,
Beter begensem-de dömüp dursyň sen,
Asyl, bent tutdurman doldurýaň hana.
Gyýylsam-da tapylýarsyň bir ýerden,
Aýt, ýa-da sen ýürekleň dilimi,
Ýa-da sen Allanyň adam kalbyna,
Paýhasyna eken iman gülümi.
Ýa sen ýüregimiň yssy-sowgumy,
Ýa serimiň aýdyp bolmaz aýdymy,
Menden ygtyýarsyz domýän ak damja,
Bile-bilmen sen wyždanmyň süýdümi.
Sen meň bilen bile inipsiň dünýä,
Ýa sen on üçünji artyk synammy,
Allaň nazarymy, meniň özümmi,
Dömüp-dömüp kemelýänje ömrümmi. Goşgular
