Deñiz bol!
Deñiz bol!
DEÑIZ BOL!
Sary bulut gezýär deñziñ üstünde,
Kümüş gämi gezýär deñziñ ýüzünde.
Sary balyk gezýär deñziñ içinde,
Mawy otlar ösýär deñziñ düýbünde.
Ýalañaç adam dur deñziñ boýunda,
"Men näme bolsamkam?.." diýip oýlanýar.
"Balykmy,
Bulutmy,
Gämimi?
Otmy? —
Men näme bolsamkam?.." diýip oýlanýar.
Olaryñ hiç haýsy bolma, doganym,
Deñiz bol!
Çaýkanyp duran deñiz bol!
Deñiz bolsañ,
balygyñ bor,
otuñ bor,
Gämiñ bor,
depäñde sary buludyñ bor!..
1958 ý.
Nazym HIKMET.
Terjime eden: Allaberdi HAÝYDOW.
Goşgular
