«Degme meniň göwnüme…»

"Degme meniň göwnüme…" “DEGME MENIŇ GÖWNÜME…”

Degme meniň göwnüme,
Bilseň, göwün Käbedir.
Göwni ýykan adamyň
Iýejegi awudyr.

Muny aýdan Pyragy,
Mollanepes, Kemine…
Başarsaň, mähir paýla,
Paýla mähir zemine.

Ynjytdygyň adamy,
Ynjytdygyň Hudaýy.
O gün nämüçin kowduň,
Işikdäki gedaýy?

Düýn dälmi Käbeden
“Hajy” bolup geleniň.
Göwnün ýykyp Käbäniň,
Duýmadyňmy öleniň?!

13-16.11.2023.

Allaýar ÇÜRIÝEW. Goşgular