"Daglardan galar beýiklik..."

"Daglardan galar beýiklik…" Daglardan galar beýiklik,
Kitüw galar kel depeden.
Tohumy haram eýikmez,
Gargyş alar kelpezeden.

Çyrpynyp gaýdan bulaklar,
Un üweder degirmene.
Äri garradar gulakdan,
Güni galsa degimsize.

Ak ýagyşlar geçer gider,
Zemin üstün büräp güle.
Garga ýazdan etse heder,
Dünýe topukdan bilbile.

Gider dertden aýňalmadyk,
Ýaka ýyrtyp, tapman derman.
Melhem otlar – tanalmadyk
Aglap galar: ―Arman-arman.

Muhammetöwez ARRYKOW Goşgular