Çyn dostdur gözlegim meniň
Çyn dostdur gözlegim meniň
Munda bolsa-da, ýol kötel,
Nemlenmez gözlerim meniň.
Diýmen: «Utuldym men, ýeter!»
Merde dost sözlerim meniň.
Hak bolsun beren bahalam,
Ýeñlişe ýokdur bahanam.
Kän munda gülüp bakanam,
Çyn dostdur gözlegim meniň.
Yşkyma elim salgadym.
Bilsem-de,ömrüñ salgydyn,
Gözlemen bagtyň salgysyn,
Barka ol dözmezim meniň.
Çölde galan dek çelgisiz
Ýiter dert, bagta çenlidir.
Şygrym, joşmaly çenidir,
Diňlense sözlemim meniñ.
Hakdan berlen peşgeş ömrüm,
Durmuş ýollary ne öwrüm,
Gujagyna gysar bir gün,
Söýdügim düzlerim meniñ.
Ýyllar küteltmez galamym,
Bir ýykylsam, müñ galaryn.
Sözlerden çemen boganym,
Şygyrlam — dürlerim meniñ.
Nury SAKÇYÝEW. Goşgular
