Bu ýyllar
Bu ýyllar
Bu ýyllañ gelişi başgadyr-başga,
Üýtgeşikdir gelýän ýazy-bahary.
Ummany beslenen müñ dürli yoga
Boý alýandyr Ýere ýeten nahaly.
Galkynan göwünler göterilýär has,
Nazy-nygmatlardan doludyr jamym.
Görkezdi güýjüni Akyl hem Paýhas,
Şeýdip arşa galyp barýar eýýamym.
Baýyrlar gül bilen bezendi diñe,
Asmana ýoluny ýetirdi Adam.
Täze ýeñişlere arzuwym ine,
Zähmetiñden bagt tapsyn yhlasyñ.
Gök arçalar şöhlesini saçypdyr,
Öýlerden çagalañ gülküsi gelýär.
Täze ýyl! Gelýärmiñ, ýoluñ açyk dur,
Biziñ ömür ýene bir gez beýgelýär.
Geliber,
Geçiber, gelýäniñe hoş,
Öýmüziñ törüni görýäris rowa.
Döwletim bar, döwletime yrsgal goş,
Sag aýagyñ bilen ätle bosaga.
Bu ýylyñ gelişi başgadyr, hawa,
Düzüwdir bu ýyllañ niýeti, päli.
Dolsun kalbyñyza arassa howa,
Ak gar bilen bezär ajap ülkäni.
Gözel ŞAGULYÝEWA.
«Edebiýat we sungat» gazeti, 01.01.1987 ý. Goşgular
