Bu köňlüm zowrakyn aldy bu gün bir gunça leb gülruh…

Bu köňlüm zowrakyn aldy bu gün bir gunça leb gülruh…

Bu köňlüm zowrakyn aldy bu gün bir gunça leb gülruh,
Ýaşym derýasyna saldy bu gün bir gunça leb gülruh.

Bellendi kaddy näz ile, sallandy serefraz ile,
Gülüstan sahnyna geldi bu gün bir gunça leb gülruh.

Belakeş bilbilim bildi, pyganymdan sapa buldy,
Ýüzüme gül kibi güldi bu gün bir gunça leb gülruh.

Dile gerçe jepa kyldy, birine müň wepa kyldy,
Bize waslyn ata kyldy bu gün bir gunça leb gülruh.

Alyp şirin zyban ile elinden Mähriniň baryn,
«Ah-a geldim» diýdi, ýeldi bu gün bir gunça leb gülruh. Goşgular