BOÝY BIR GARYŞ, SAKGALY IKI GARYŞ

BOÝY BIR GARYŞ, SAKGALY IKI GARYŞ — A-how, boýy bir garyş,
Sakgaly iki garyş,
Etek alty, ýeň ýedi,
Alňasap, nirä baryş?!

— Sakgalymdan dynmaga,
Ýogsa maňa kyn bolýar.
Aýagyma çolaşyp,
Ýykýan ýeri kän bolýar.

Soňam, biler bolsaňyz,
Begenýän zadym meniň:
Sakgalymy syrdyrsam,
Gysgalar adym meniň.

Boýy bir garyş diýip,
Tutarsyňyz adymy.
Ýeteýin dellekhana,
Gowşatmanjyk badymy. Çagalar edebiýaty