Bilgil
Bilgil
Iş başyna geçip otugsa nebsiñ,
Haramyñ gapysyn kakdygyñ bilgil!
Gözünden düşeñde sen iliñ-ulsuñ,
Eliñ bilen öýüñ ýykdygyñ bilgil!
Durmuşyñ kanuny adyldyr juda,
Ondan çykmak janyñ etdigiñ pida,
Seniñ ömrüñ geçdigidir bihuda,
Abraýñy çanaklap dökdügiñ bilgil!
Aýply ýaşamak köýdügi ömrüñ,
Durmuş bir çatrykdyr, çar ýanyñ öwrüm,
Her bir ädimiñde diñlegil böwrüñ,
Şeýtmeseñ imanñy ýuwtdugyñ bilgil!
Halamazlar il içinde gabarsañ,
«Hä» bermesiz gep-gürrüñe «Hä» berseñ,
Mellegiñe ýandak, gyzgan gögerse,
Onuñ tohumyny sepdigiñ bilgil!
Duýup ýaşa berlen ömrüñ dadyny,
Çekip çyda ýaksalaram ädiñi,
Munda goýup gitgil ýagşy adyñy,
Ýagşyga ýar bolsañ, utdugyñ bilgil!
Näzik ANNATYÝEWA. Goşgular
