Azgyna
Azgyna
Durmuş näme? Bilýändirin öýtme,
«Köp horluk görlendir“ diýýärsiň haşlap.
Ojagyňa niçe hasrat getirdiň,
Emedekläp, ýörjen-ýörjenden başlap.
Ataň gurup beren tagtyn ýumurdyň,
Şumudy, seň eýsem, durmuş diýýäniň?
Eneň gözlerinden siller döredi,
Zäher-zakgun, bal bolsa-da iýýäniň.
Seniň durmuşyňa kimler belet däl,
Şonuň üçin sen hiç kime gerek däl…
31.08-01.09.2016. Goşgular
