Aý geçer, ýyl geçer…
Aý geçer, ýyl geçer…
Aý geçer, ýyl geçer,
Döwür aýlanyp,
Ak garly daglar dek agarar başym.
Çagalarym toý tutarlar öýlenip,
Agtykdan-çowlukdan dolar meñ daşym.
Aý geçer, ýyl geçer,
Döwür aýlanyp,
Açylar ýene-de müñ dürli syrlar.
Heniz ses ýetmedik ýerler şaýlanyp,
Kommunizm bossanyna öwrüler.
Aý geçer, ýyl geçer,
Döwür aýlanyp,
Belki, ol garrylyk eýelär dyzy…
Emma kalbymdaky täze aýdymlar
Şonda-da wasp eder bu gözel ýazy.
Anna GURTGELDIÝEW.
«Edebiýat we sungat» gazeti, 19.07.1958 ý. Goşgular
