Atomdan güýçlidir adamyñ güýji
Atomdan güýçlidir adamyñ güýji
(Enäniñ sözi)
Öziniñ goñşysy geplänsoñ Senem,
Ýerinden gobsunyp ol garry enem,
Ýürekden syzdyryp, sözläp başlady,
Diñledi hemmeler, diñledim menem.
Diýdi: — Ogullarym, siz gulak salyñ,
Mydam adalatyñ sazyny çalyñ!
Dünýä dynçlyk gerek, adama erk,
Parahat ýaşaýyş bagtdyr, biliñ.
Adamdyr dünýäniñ görki, geregi,
Nämä zerurmyşyn atom ýaragy!
Atom tarapdary — azgyn jenaplañ
Diýeliñ gapylsyn baky garagy.
Erkini janyndan ileri goýan,
Öz ogul-gyzyny ýürekden söýen
Jarnama gol çekdi bir adam deýin,
Ýaşasyn parahat ýaşaýyş diýen!
Ýaşa parahatlyk, depämiñ täji!
Durmuş tagamyndan erkinlik süýji;
Enem soñky sözün aýaklap diýdi:
— Atomdan güýçlidir adamyñ güýji!
Durdy BAÝRAMOW.
# «Ýaşasyn parahatlyk» / Türkmendöwletneşir, 1951 ý. Goşgular
