Atlar
Atlar
Burnunda şemal parladan
Atlar meňzeşdir ynsana.
Ýaşyn ýaňakdan pagladan
Atlar akyly hem sada.
Gözlerini balkyldadyp,
Bakyşynda ýokdur hile.
Toýnaklaryn tarpyldadyp,
Atlar şöhrat getir ile.
Atdr türkmeniň arkasy,
Türkmeniň sarpasy bedew.
Türkmeniň özünden burun —
Atyndan ederler heder!
At gözýaşy aka-aka,
Bu sährany kän ýugurdy.
Şol çarpaýa galan ata
Meňzeşdir türkmeniň ýurdy.
Durdymuhammet GURBANOW. Goşgular
