Aşyk bolmak ýaşa garanokmyşyn…
Aşyk bolmak ýaşa garanokmyşyn…
Aşyk bolmak ýaşa garanokmyşyn,
Aşyk boldum saňa kyrka golaýlap.
Ne sebäpden geldiň bu gamly başa,
Perwana eýlediň başymy aýlap.
Ýaş wagtymda duşmadymmykam saňa,
Ýa duşsamda, meniň gözüm körmidi,
Ýa adyňy eştmedimmi şu çaka…
Bolmasa, meň gulaklarym kermidi!
Diňe, men däl aşyk bolan juda kän,
Düşünýänem, düşünmeýänem ýazýa,
Yşk ýolunda telbe eden magşugym
Düşünmesemde, söýdüm,
Poeziýa!
Remezan MÄMETGURBANOW. Goşgular
