Añly arakkeşiñ aýdany

Añly arakkeşiñ aýdany AÑLY ARAKKEŞIÑ AÝDANY

Eşidipdik bir çak “heleý” diýmeklik,
“Gel-eý” diýen sözden çykanmyş gelip.
Biziň heleý, aç gapyny diýdigiň,
Gelmez, gaýta oklaw alar hekgerip.

Nätjek-dä, bararsyň aýal doganka,
“Geläý” diýer, dagy nätsin naçaryň.
Içip kowulaňda ýene bir hossar,
“Geläý” diýip, alar kümäň açaryn.

“Taşlamaly” diýýän öz-özüme, kä,
“Geläýim”- “heläýe” öwrüläýmänkä.

2015 ý. Goşgular