Akyl we ýürek
Akyl we ýürek
Eý ýürek, gynanma armanyñ üçin,
» Söýme » diýsem, » söýjek » diýdiñ diñlemän.
Indi döz baryna, günä özüñde,
Gidenleñ yzyndan, aglap eñreme.
» Baryna günäkär durmuşdyr, durmuş «,
Diýme, diýmegiñe sebäbem ýokdur.
Özdiýenli häsiýetiñden görgün,
Durmuşyñ işleri onsuzam köpdür.
Soñ oýlagyn, biz ynsanyñ geregi,
Biz bolmasak ýaşaýyş bormy ahyr?
Herne bir — biregi goldaly mydam,
Käte bagtdanam söz açsyn şahyr…
Şirnazar TAGANOW Goşgular
