Aktokaýda
Aktokaýda
Bu ýerlere sežde bolup pelekden,
Şapaklañ batasy gelmeýän eken!
Takdyra seýilden seýilbaz ýelleñ,
Alysa gidesi gelmeýän eken!
San ýetmez ýollary ýelen söýgüleñ,
Başga ýan uçasy gelmeýän eken!
Dünýäñ didesinde gizlenen syrlañ,
Asla hiç ötesi gelmeýän eken!
Ömri gidip barmyş ötegçi demleñ,
Düýş kibi ýitesi gelmeýän eken!
Hakykata tebsiregen duýgulañ,
Bu ýerden göçesi gelmeýän eken!
Toba bolup, ýüzi hyýrsyz şerleñem,
Göwni hiç ýykasy gelmeýän eken!
Öz-özüñe dolan ädimleriñem,
Alysa çapasy gelmeýän eken!
Owazdan älemiñe sesleriniñem,
Özge ýan akasy gelmeýän eken!
Aknur ROZYÝEWA. Goşgular
