Ak göwsüñi maña sary
Ak göwsüñi maña sary
Ak göwsüñi maña sary
Açma, meni öldürersiñ!
Ala gözüñ süze-süze
Bakma, meni öldürersiñ!
Öldürip ganyma girme,
Her ýetene köñül berme,
Ala göze syýa sürme,
Çekme, meni öldürersiñ!
Göwheri diýr, şahy-bilbil,
Ak gerdeniñ binaýy-pül,
Ýañagyña gyrmyzy gül,
Dakma, meni öldürersiñ!
• AÝDYM
Meni kimse güýmäbilmez,
Meniñ könlüm alan gelsin.
Tebipler bilmez emini
Meni derde salan gelsin.
Maýyl men serwi boýuna
Melek garylmyş soýuna
Çykarnyp urýan goýnuna
Synasyna dola:n gelsin.
Gaşlaryñ ýaý, kirpigiñ ok,
Saña maýyl bolanlar köp,
Jahanda deñi-taýyñ ýok,
Şol gaşlary keman gelsin.
Göwherini kimse bilmez
Aşygyn agladan gülmez
Ismini söýlemek bolmaz,
Pylan gyzy pylan gelsin!..
Aşyk GÖWHERI. Goşgular
