Ak ekin

Ak ekin

AK EKIN

Bu meýdan şeýle bir çörege meñzeş,
Üstünde mylaýym şemal oýnaýar.
Bu meýdan şeýle bir çörege meñzeş,
Bakyp-bakyp,
                          ondan gözüñ doýmaýar.

Bakdygyñça,
                          ondan gözüñ dokunýar,
Sarymtyk öwüsýär,
                                   altyna meñzeş.
Bu meýdan şeýle bir çörege meñzeş,
Bu meýdan şeýle bir halkyma meñzeş.

* * *

Hol uzakda beýik daglar görünýär,
Oña çenli bolsa,
                               gök otly meýdan.
Gökde ak kepderi ganatyn gerýär,
Ýokarsynda gök syrça deý gök asman.

Beýläk baksañ,
                             gözýetimi ýuwudyp,
Deñiz deý tolkunýar bugdaýly meýdan.
Gökde ak samolýot ganatyn gerýär,
Ýokarsynda bolsa,
                                   arassa asman.

Atamyrat ATABAÝEW.

"Watan" gazeti, 1995 ý.

Goşgular

Makalany PDF görnüşde ýükle