Bagşy
Bagşy
Diñ saldyñyzmy siz, gije tokaýda
Söýgi bagşysyna, gam bagşysyna?
Säher ümsüm çagy saz ýagşysyna,
Tüýdükde ýañlanan hesretli beýde
Diñ saldyñyzmy?
Duş geldiñizmi siz, çola tokaýda
Söýgi bagşysyna, gam bagşysyna?
Ýa şat gülkä, ýa bir gözýaşlysyna,
Ýa gamly hem ümsüm nazara heý-de,
Duş geldiñizmi?
Dem aldyñyzmy siz ýuwaş ah çekip,
Söýgi bagşysyna, gam bagşysyna,
Çölde duşup bagşyñ iñ ýagşysyna,
Ýaş ýigidiñ öçgün nazarna bakyp,
Dem aldyñyzmy?
A. S. Puşkin
Terjime eden: Çary Aşyr Goşgular
