Magşar diwaly
Magşar diwaly
Şalar bilen gedalar,
Hem ähli pir-müritler –
Görden gelýär sedalar.
– Indi men dowzahymy,
Günähim näme, Taňrym?
Gezdim namaz-täretli,
Nowruz gary deý aňrym.
– Ynsabyň bitäretdi,
Ynanjyň ganyňda däl.
Mydam üns sadakasyn,
Sorap gezdiň, eý, betpäl.
Ol ýaýlalaň arymsy,
Bozlugy saňa ýatdy.
Dideleň biri gülüp,
Mydam biri aglapdy.
Hemişe netiň-päliň
Aç gurt dek galtamandy.
Altmyş iki damaryň
Hemmesi hantamady.
Ýalyň-ýüzüň perdesi
Togsan bäş gatlaklydy.
Ömrüňde eden haýryň,
Ählisi matlaplydy…
Muhammetöwez ARRYKOW Goşgular
