«Itler üýrer, geçer kerwen…»
"Itler üýrer, geçer kerwen…"
Düwünler berkdir göbekde.
Itler düýä ―haýt diýmezler,
Başarsa dişlär söbükden
Dünýäň set müň belasyndan
Yns-jynsy penalan daglar
Ahyr bir gün gadyr bilmez
Ýezidem goranna aglar.
Yňkyn çykarman jan berer,
Ömür saýylmadyk goçlar.
Ak saply aýdar kimdigin
Sürä han bolan erkeçleň.
Lebzin iman saýanlaryň
Ir-giç bagry bolar pide.
Mesirgän gelin dek dünýe
Gujagyn açar erbede…
Muhammetöwez ARRYKOW Goşgular
