Ýaşaýardym

Ýaşaýardym ÝAŞAÝARDYM

Ýaşaýardym söýýänligňe buýsanyp,
Bagtlydygmy duýýardym her pursatda,
Söýgi sözlerini bilýärdim aýdyp,
Gat-gat bolup ýatmaýardy gursakda.

Duýmaýardym ýyllaň geçip durşuny,
Gussa baryn bilmeýärdim durmuşda,
«Ýüregim özgede» diýeniň bäri,
Gelýän günler gaýgy-gamly görnüşde.

Gelenok sütemli aýlaň ahyry,
Mendäki ýürek-de daş dan däl etden,
Çekip-çydap bilermikän ýarylman,
Bir hemaýat bolmasa bir gudratdan.

Öz zadymdyň-durşuň bilen meňkidiň,
Örmesek-de bir düşekden her günde,
Tirkeşmäge çekinmezdiň hiç kimden,
Ýalňyz goýduň gitdiň ýekeje demde.

Dünýäni dolduryp duran ýalydyň,
Dokuzym-da dokuz gezek düzüwdi,
Rysgym giden ýaly boldy elimden,
Ýüregimem ýaşaýyşdan bezigdi. Goşgular