Salama geldim
Salama geldim
Günde şol bir zaman, daňdan pillesi,
Oýardy atamyň azannyň sesi.
Käbäm bilen kyblam guran külbesi,
Saňa bu gün ýene salama geldim.
Ejem bilen kakam werzişdi işe,
Dek öten agşamam girensoň düýşe,
Onsoň diňe seni edinip pişe,
Saňa bu gün ýene salama geldim.
Agam, iki inim, birem gyz uýam,
Size-de bu sözlem aýandyr-aýan.
Eý, durmuş mekdebim, edebim-haýam,
Saňa bu gün ýene salama geldim.
Ejem janyň suwa basan çöregin,
Ýatlap ýene şol arzyly höregim,
Özi bilen alyp galan ýüregim,
Saňa bu gün ýene salama geldim. Goşgular
