Gözellerden bilerin

Gözellerden bilerin GÖZELLERDEN BILERIN

Näler gelse meniñ garyp başyma,
Ilden däl-de gözellerden bilerin.
Olar girer gijelerde düýşüme,
Yslaryny ter güllerden alaryn.

Dagdan daga, ýaýalarda gezdigim,
Galam alyp dessanlaryn ýazdygym.
Ýat illerde jöwlan urup gezdigim?
Islänimi dilberlerden dilärin.

Saralsa-da dökülmeýär pazylym,
Köñül diýer diýar-diýar gezelim.
Soýum türkmen, türkmen bolsun gözelim,
Öläýsem men ol illerde ölerin.

Garajoglan, gezer çeşme başynda,
Arzym bardyr dilberleriñ gaşynda.
Munuñ üçin gezer köñül hoşunda,
Hoş gal, ýarym, belki döner gelerin.

■ TÜRKMEN GYZY

Ala gözli türkmen gyzy
Çeker gider göçlerini.
Daramyş, gerdene dökmüş
Altyn ýüpek saçlaryny.

Hatartnda guba maýa,
Jemalyn meñzetdim Aýa,
Ak göwsüne çekmiş saýa,
Bezär gider başlaryny.

Garajaoglan, gyz söýmüş,
Ak göwsi göwsüne degmiş,
Kümüşçi ussalar egmiş
Ýaryñ helal gaşlaryny.

GarajaOGLAN. Goşgular