Mämeleriñ
Mämeleriñ
On üç bilen on dört ýaşyň arasy,
Tözlenip galyşar, ýar, mämeleriň.
Örtenmekden gaýry bolmaz çäresi,
Gysymlap gyşarsam ak mämeleriň.
Gulman deý sallanyp, sagynyp duran,
Husnuňa bent olar bir gezek gören,
Gunçalap, düwmeläp, täze uç beren,
Garaňkyda gardan ak mämeleriň.
Iki aşyk bir-birine bezm eder,
Çola ýere barsa, jany hezl eder,
Köýneginden çykaýsam diýp azm eder,
Mutdaha bolanda, ýar, mämeleriň.
Sowsanmydyr, sünbülmidir geýgeniň,
Elenen ak çäge bolsun oýnagyň,
Eda bilen göter elwan köýnegiň,
Bal bilen ýugrulan ýag mämeleriň,
Ýaşymyň soňunda taşladym gurra,
Nesip bolsa, garry gurda ýaş berre,
Kemine, armanyň galmasyn zerre,
Gülende titreşer, gyz, mämeleriň.
Mämmetweli KEMINE. Goşgular
