Gülem söýer, guşam söýer
Gülem söýer, guşam söýer
Hakyñ nury bar ýüzüñde,
Gün dogan gara gözünde,
Dünýäñ heñi ýar sözünde,
Gülem söýer, guşam söýer.
Guýyñ düýbünden idelen,
Gülüñ roýunda dideleñ,
«Ýer-u-gök aşyk» diýdiler,
Gülem söýer, guşam söýer.
Sekiz gat asman eýesi,
Edepde älem söýesi,
Belent gaýañ mumyýasy,
Gülem söýer, guşam söýer.
Gül bitipdir düz ýerinde,
Guw hoşaldyr ýüzerinde,
Yşkyñ gözel güzerinde,
Gülem söýer, guşam söýer.
Yhlas, hyjuwy serinde,
Oturmyş bagy Eremde,
Ýar-ýara gujak gerende,
Gülem söýer, guşam söýer.
Bähre alyp bagtly günden,
Guşlar joşar, çogar güller,
Ýar ýylgyrsa dünýä güler,
Gülem söýer, guşam söýer.
Amanmyrat USSAÝEW. Goşgular
