Ýat iller, ýaman iller
Ýat iller, ýaman iller
Gadym zamanlarda bir gyzy ýat illere satypdyrlar. Õz ýaýlasyndan aglap giden buýsançly çarwa gyzynyñ ýüregi alty ganat ak õýe sygmandyr. Ol oba-da sygmandyr, ýer bilen gõgüñ arasyna-da sygmandyr. Munuñ üstesine-de, oña keseden dil ýetip durupdyr. Gaty ýõrese-de gülüpdirler, çala ýõrese-de gülüpdirler. Otursa oturşyna at dakypdyrlar, gaýma gaýasa keşdesine at dakypdyrlar. Muña çydamadyk şahyr ýüregi gõr-bak, näme diýipdir:
Gaty ýõresem,
-Ýorga- diýdi.
Haýal ýõresem,
-Yrga-diýdi,
Ýat iller, ýaman iller.
Gõzüm süzsem,
-Süzgek- diýdi.
Kekire ýaly
Gõm-gõk diýdi,
Ýat iller, ýaman iller.
Saçymy çõzsem,
-Urgan- diýdi.
Oturanja bir
Harman-diýdi
Ýat iller, ýaman iller.
Çala ýylgyrsam,
-Gülýäñ — diýdi.
Nirede señ
haýañ- diýdi.
Ýat iller, ýaman iller.
Ýuwaş hiñlensem
-Toba- diýdi.
Telekdir bilseñ
Däbe — diýdi,
Ýat iller, ýaman iller.
Dost boljakdym,
Setir bilen.
Ýandym-la, ýandym
Kesir bilen,
Ah, ýat iller, ýaman iller….
Baýram JÜTDIÝEW Goşgular
