HÜWDI SESI

Aýdymlaryň owazyndan ýakymly,
Agtygmy üwreýän gelnimiň sesi,
Miweleriň şerbetinden ýokumly,
Agtygmy üwreýän gelnimiň sesi.

Ejem janyň sesin ýada salyp dur,
Bäş wagt namaz ýaly öýe dolup dur,
Gitmesiz ýollardan alyp galyp dur,
Agtygmy üwreýän gelnimiň sesi.

Şükür, peselmeýär-bady ýatmaýar,
Ojagmyzyň halal duzun haklaýar,
Belki, bela-beterleri saklaýar,
Agtygmy üwreýän gelnimiň sesi.

Goşgular