Nyzamy Genjewiniñ setirlerinden
Nyzamy Genjewiniñ setirlerinden
* * *
Ýürekden dogan söz ýeter ýürege.
* * *
Galama gerekdir şeýle söz almak ~
Paýhasdan, akyldan bolmasyn uzak.
Parlak hünji kimin düzülen sözler
Akyla sygmasa, ýalana meñzär.
Dogryga azajyk meñzeýen ýalan
Ýagşydyr ýalana meñzän dogrudan.
* * *
Sözleriñ şasynyñ bir mysaly bar,
Ne gözel söýlemiş: «Agtaran tapar!»
* * *
Düşünjesi, akly saglam bolan kes
Bimany sözleri sözlemezmiş, bes.
Gahar edende, dili sabr etse biraz,
Tutan bir işinden puşeýman bolmaz.
* * *
Ne gözel söýlemiş gadym bir eren:
«Dil etden döräpdir, gylyç demirden».
Özüne, özgäýe bolmaz mähriban,
Diline geldigin sözleýän ynsan.
* * *
Her söz öz ýerinde bolarmyş gözel,
Agaç bar getirmez wagtyndan ozal.
* * *
Biwagt gygyran horazyñ başyn
Ýiti pyçak ýetip, tiz alarmyşyn.
Dilini bagla ki, elde galsyn baş,
Diliñ gury bolsa, akmazmyş gözýaş. Sözler
