Umydym sönmäkä… — Musa Ýusup
UMYDYM SÖNMÄKÄ…
Umydym sönmäkä,
Dyza çöküp üfleýän,
Körär ýaly közüne.
Käte, bir umudy göterip ýörmek,
Agyr düşýär ýek özüme.
Torç bolan ynamymy,
Sarç göwnüme geňeşýän:
Bir gün deregine,
Ýapylan gapylaň,
Egniňe serpaý ýapylar.
Şeýdip nesýe alýan,
Bir döwüm şatlygy,
Geljekki gowy günleriň hasabyna ýazdyryp.
Goşgy ýazýan!
© Musa ÝUSUP
Çeşme: öwrenmeli
