Deñiz guşum
Deñiz guşum
(Aýdym)
Deňiz guşum, deňiz guşum,
Aýt, nireden geldiň çöle?
Azaşdyňmy, çarlak guşum,
Ýör, gideýli biziň ile.
Ýör, gideýli Hazar ile,
Seýil edeýli biziň ile.
Hanha barýar akja ýelken,
Howalanýar goja Balkan.
Şagadamda tutup mekan,
Owaz eýle çarlak guşum.
Şatlanaýly ördek-guwa,
Aýlanaýly Gyzylsuwa.
Guwanaýly tämiz howa,
Ýaýna mydam deňiz guşum.
Bahry-Hazar galkynanda,
Oýna deňiz tolkunynda.
Awazanyň alkymynda
Owazyň eşdilsin guşum.
Owazyň eşdilsin guşum,
Guba gazym-deňiz guşum.
9.02-21.03.1991 Goşgular
