Rysgal dilegi

Rysgal dilegi RYSGAL DILEGI

Demi dagy ýarýa diýilýänlerden,
Uzagrak obada döränmiş ahun.
Nobaty ulymyş, çekýän adamdan,
Haýsydyr bir derdiň nalasyn-ahyn.

Ömür aňsat gazanç gözleýän tanşym,
Rysgal dogasyny almak hyýalda,
Il doýdy men galdym diýen manyda,
Eňenmiş oň ýanna paý-u-pyýada.

Emlän “el hakyny” elläp tanşymyň,
Ahun ýazyp beren Kurandan aýat.
Indem rysgal sürlüp geläýjek ýaly,
Garaşyp ýör tanşym, dogasyn aýap.

…Akyl adam diňe Haka sygynýar,
Akmak öz-özüne duzak gurunýar.

2019 ý. Goşgular