Boljak ýa bolmajak

Boljak ýa bolmajak BOLJAK ÝA BOLMAJAK

Ogry ogurlygyn goýsa-da goýar,
Oýansa ynsap.
Zyrrajym ýalançyň dogruçyllygam,
Bolup biljek zat.

Işläp baýrak alyp biler bir ýalta,
Taýagy görse.
Göterer çolak hem hatarda baýdak,
Aýagy ýörse.

Kör bolan az-azdan görüp başlasa,
Sowulýar şumlyk.
Töhmetçi töhmeti goýmagy mümkin,
Görensoň ýumruk.

Diýseler: “görip göripligni goýýa”,
Goýmaz, oňa giç.
Keçeňegem diýäýjekmişin “bolýa”,
Ynanaýmaň, hiç!

Geldimyrat SEÝIDOW. Goşgular