Alyp gitmäň!
Alyp gitmäň!
Şahyr Suraý Babanyýazowa
Ýok, o gyzy tanamogam,
Hatda, däl meň deňim-duşum.
Gamly, “üşäp, ýeňsiz geýşi”,
Ýaşlap gözüm, alýar huşum.
Her bir jümlä erk edişi,
Ýugrulan dek doga, şygra.
Okap, oýlanýan, ýatlaýan
Ýigitligmi — agras, ýygra.
Gülleri söýşem üýtgeşik.
Aglanda çyndan aglaýar.
Diýseňem, şygyrlarynda,
Syrly mähribanlyg-a bar.
Alyp gitmäň daga-daşa,
Döretsin “obaň ertiri”.
Ylham bersin kakasynyň
Erikleri, kepje-pili.
Özüni-hä tanamok, ýok.
Şygryndan weli, ganamok.
Ýolup gitmäň! Gülsüz baglar
Hiç kime ýarap baranok.
Geldimyrat SEÝIDOW.
29.06.2023 ý. Goşgular
