Salam haty deregine
Salam haty deregine
Dostum, medisina ylymlarynyň doktory Nyýazmyrat Bekmyradowyň ýaşlyk döwrümizde haýyşy we onuň sözleri boýunça düzülen goşgy
Göremden oda saldyň,
Akyl, huşumy aldyň.
Däliredip, sen, läläm,
Däli halyma güldüň.
Sen bir jady, eý aman,
Jadyladyň-la, arman.
Günde seni görmesem,
Bu dünýäm bolýar weýran.
Gözleň maňa baksady,
Kalbyň syryn döksedi.
Yşkym duýan ýüregiň,
Eresedi, aksady.
Şonda men şat bolardym,
Asmana taý gelerdim.
Hassa halymda görsem,
Gutulardym, galardym.
Eý, meniň günüm, aýym.
Käkiligim, humaýym.
Menä bir lukman oglan,
Sendedir oý-hyýalym.
1988 ý. Goşgular
