Körüñ düýşi
Körüñ düýşi
Kör düýşünde görýär Güni,
Derýalary, deňizleri.
Gelin-gyzlar ne owadan,
Ne owadan meňizleri.
Garap barýar töwerege,
Salam berýär, salam alýar.
Göwün joşup-daşyp birden,
Ellerine galam alýar.
Işe barýar, işden gelýär,
Gör, ne hezil eken durmuş.
Al asmanda hatar gurap,
Durna guşlar ganat germiş.
Bir-birege teşne ýürek,
Ýar jyklaýar kürtesinden.
Köne kino lentasy deý,
Düýş üzüldi ortasyndan…
16.10.2020. Goşgular
