Göwni kiçiler
Göwni kiçiler
Halmyrat Ybadullaýewe,
Kerim Hojameňliýewe
Bu durmuşda bir kada-
Sylagly göwni sada.
Hormaty duýlar bada,
Saýlanylar, seçiler,
Göwünleri kiçiler!
Hakdan berlen hümmetin,
Halka harçlar görnetin.
Sarpalar dost gymmatyn,
Elden gelen eçiler,
Göwünleri kiçiler!
Aň-zehinli oglanlar,
Asly asyl doglanlar.
Hat-da çarkandak ýollar,
Duşanda tiz geçiler,
Göwünleri kiçiler!
Abraý üçin, at üçin,
Hemmä hemaýat üçin,
Hem ýurda şöhrat üçin,
Gerek merdem kişiler,
Göwünleri kiçiler!
2022 ý. Goşgular
