Degişmeler düwünçeginden
Degişmeler düwünçeginden
Tüsse dagaýança
Iki awçy özara gürleşip dur:
— Ýekegapan awlaňda tüpeňiňe nähili däri salýaň?
— Diňe tüsse çykarýanyny salýan.
— Näme, tüsseli okuň ýekegapany derrew ýatyraýýamy?
— Ýok-la, tüsse dagaýança agaja dyrmaşyp ýetişýän.
Uçup barýan
Alpinist uçuda güwläp gaýdypdyr. Ýoldaşlary onuň yzyndan adyny tutup gygyrypdyrlar:
— Wasýa, janyň beri sagmy?
— Sag, sag!..
— Elleň abatmy?
— Abat!
— Aýaklaň bitinmi?
— Bitin!
— Onda ýokaryk gal-da!
— Nädip galaýyn, entek uçup barýan!..
Ikinjim
Awçy egninden tüpeňini aýrypdyr-da, käkiligi nyşana alyp, ony ýere gaçyrypdyr.
— Şu meň ikinji uran käkiligim! — diýip, ol ýoldaşynyň ýanynda buýsançly gürläp, döşüne kakypdyr.
— Hany, onda birinji uran käkiligiň?!
— Men ony on ýyl mundan ozal urupdym.
Agam ikimizi…
Iki sany lapçy güpleýär:
— Bir gezek Afrikada aw awlap ýörkäm, bäş ýüz metr aralykdan ýekeje okda pili tükgertdim.
— Onyň dagy nämejik! Ynha, arada Demirgazyk deňzinde hiç bir ýaragsyz-beýlekisiz ak aýyny bogup taşladym.
— Ýogsa-da deňiz diýeňde bir zat ýadyma düşdi. Sen, heý, öňde-soňda Öli deňzi diýip eşidipmidiň?
— Elbetde, eşidipdim.
— Bilip goý, şony agam ikimiz öldürdik.
Gaty gymmat
Suratkeş ýaş gelne onuň suratyny çekmegi teklip edipdir.
— Çeken suratyňyz üçin näçe tölemeli borun? — diýip, zenan sorapdyr.
— Hanym, siz üçin hiç zat.
— Aý, ýok, munyňyz gaty gymmat bolýa.
Bagtyň çüwende
— Düýn utukly petegim bilen ýüz müň utaýdym!
— Aýalyň-a muňa ýaman begenendir.
— Hawa, begenjine doňňaradaşa öwrüläýdi.
— Tüweleme, bagtyň çüwende barysy birden şowlaberjek oguşýa!
Göresiň gelse…
Adamsy aýalyna ýüzlenip, şeýle diýýär:
— Lýusýa, sen, heý, mynjyradylan pul görüpmidiň?
Aýaly ýylgyryp:
— Görüpdim, ýeri näme? — diýip soraýar.
— Mynjyradylan onluk puly görüpmidiň?
— Görüpdim, ýöne gaty seýrek.
— On müň rubluň mynjyradylanyny gördüňmi?
— Ýok, görmändim.
— Onda garaža bar-da göräý.
Barybir tapar
— Eger meň ejem biziňkide ýaşajak bolýan bolsa — diýip, aýaly adamsyna sala salypdyr. — Onda biz has ulurak öýe göçsek gowy bolmazmy?
— Beýdip gaçyp gutulyp bolasy ýok — diýip, adamsy lapykeçlik bilen jogap beripdir. — Iru-giç ejeň bizi şo ýerdenem tapar.
Hökman gitmeli
— Ezizim, garyndaşlammyzyňka hiç myhmançylyga gidesim gelenok.
— Meňem gidesim gelip duranok. Ýöne, şunam bilip goý, barmasak, olar ýaman begener.
— Dogry aýdýaň. Onda hökman gitmek gerek.
Gaýçy gözleginde
Saçy aşa ösgün ýaş ýigit dellekhanada otyr. Dellek eli magnitli pyrlanyp ýörşüne, magniti onuň kellesiniň üstünde aýlaýar.
— Bü näme, saç syrmagyň täze usulymy?
— Ýok. Men gaýçymy gözleýän-laý.
Tanaýmaly
— Sen hiç haçan Samarada bolup görmediňmi?
— Ýok, hiç haçan bolup göremok.
— Onda sen meň uýamy tanaýmaly, olam hiç haçan şo ýerde bolup görenok.
Näme almaly?
Aýaly adamsynyň ýanyna gelip, näz bilen gürleýär:
— Sen meni gowy görýäňmi?
— Gepiňi köpeltme-de, özüňe näme satyn alyp bermelidigini aýt?
Näme üçin aglanymy bilýäňmi?
Adamsy bilen dükandan çykyp barýan aýaly şeýle diýýär:
— Sen meň näme üçin aglanymy bilýäňmi?
— Bilýän, ýöne mende onça pul ýok.
Her ýarym sagatdan
Aýaly adamsyna şeýle diýýär:
— Men goňşulara bir minutlyk baryp gaýtjak, senem her ýarym sagatdan nahary bulap duraweri.
Uçamzok
Bir uçarman beýleki uçarmana şeýle diýýär:
— Paraşýutçylara aýt, bökmeklerini bes etsinler. Biz entek uçamzok.
Meňzeşlik nämede?
— Seni gördügim bada-bat Kowalýow ýadyma düşäýýä.
— Ýöne meň oňa meňzeýän ýerim ýog-a.
— Bü hakykat, ýöne oňam maňa elli rubl bergisi bar-da.
Duýgudaşlyk
— Ýaman sus görünýäň, eýgilikmi?
— Aýalym öýden gitdi-de…
— Wah, bolmandyr, gynanýan, dost, gynanýan.
— Men entek gürrüňimi gutaramok… Şu gün bolsa ol yzyna dolandy.
Düýnki gazet
— Aýtsaňyzlaň, şu gün aýyň näçesi?
— Eliňizde gazet barka aýyň näçesidigini sorap durmagyňyz näme?
— Wah, elimdäki düýnki gazet-dä.
Ulagyňy döwäýdiňmi?
— Nora jan! — diýip, ýaş ýigit gygyryp gürläpdir. — Sen meň dünýädäki ýeke-täk gymmat bahaly zadym.
— Eý, Taňrym! Näme boldy? Ulagyňy kül edäýen-ä dälsiň-dä hernä?
Çykalga
— Aryny öldürmegiň aňsat ýoluny bilýäňmi?
— Ýok.
— Ony yşgabyň aşagyna kowagetdin, yşgabyň dört aýagyny-da kesip taşlaýmaly.
Ýeke söz üçin
— Kolýa, näme üçin biziň toýumyza gelmediň?
— Ýeke söz üçin gelmedim.
— O nähili söz?
— Çagyrylmadym.
Terjime eden Adyl Ýolyýew Degişmeler
